ОХУ-ын нийслэл хотноо гэмт этгээдүүд тэсрэх бөмбөг суурилуулсан байж болзошгүй хэмээн үзэж, аюулаас хамгаалахын ажилчид 3000 орчим иргэнийг яаралтай нүүлгэн шилжүүлсэн талаар “www.express.co.uk” мэдээллээ.
Албаныхан Москва галт тэрэгний буудлууд болох Казаньский, Ленинградский болон Ярославский зогсоолын зорчигч болон ажилчдыг түр хугацаанд аюулгүй газар байршуулжээ.
“Дээрх гурван буудал дээр тэсрэх бөмбөг байршуулсан” гэх хэд хэдэн сүрдүүлгийн дуудлага цагдаагийнхан авчээ. Цагдаагийнхан сүрдүүлгэ хийсэн этгээдийг эрэн сурвалжиж байна.
Саяхан тус улсын тусгайгийнхан Зул сарын баяраар Москва хотноо халдлага үйлдэх гэж байсан долоон этгээдийг баривчилсан юм. Эдгээр этгээдүүд Иракийн хэт даврагч “Халифын вант улс” бүлэглэлтэй холбоотой болохыг тогтоосон гэнэ.
Б.Дэлгэрцэцэг
Уншиж байна |