Улаанбаатар
Өнгөрсөн сард 1072 иргэн байрны зээл авчээ
2016-12-27

Ипотекийн зээлийн энэ оны 11 дүгээр сарын статистик мэдээлэл гарчээ. Тухайн сард 1072 зээлдэгч шинээр ипотекийн зээлд хамрагдсанаар нийт зээлдэгчдийн тоо 88555-д хүрсэн байна. Ипотекийн зээлийн нийт үлдэгдэл 3.979.5 тэрбум төгрөгт хүрсэн бөгөөд үүний 3.082.9 тэрбум төгрөгийн зээл нь“Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээл байна.

 

Шинээр олгосон зээл өмнөх сараас 86.5 хувиар, төлөгдсөн зээл 14.7 хувиар өсчээ. Ипотекийн зээлийн үлдэгдэлд эзлэх хугацаа хэтэрсэн зээл 3.1%, чанаргүй зээл 1.3%-тай байна. 

 

Тухайн сард 36.5 тэрбум төгрөгийн ипотекийн зээл төлөгдсөн нь өмнөх оны мөн үеэс 36.1 хувиар өсчээ.  

 

В.Бат

Shuud.mn
Сонин хачин