Нийслэлийн агаарын бохирдол, Улаанбаатарын утаа гамшгийн хэмжээнд хүрээд байгаа. Үүнтэй холбогдуулан Засгийн газрын хүйтний улиралд гэр хорооллын айл өрхөд цахилгааны үнэ тарифын хөнгөлөлт үзүүлэх журмыг баталсан. Энэ талаар Эрчим хүчний сайд П.Ганхүү тодрууллаа.
-Агаарын бохирдлыг бууруулах зорилгоор гэр хорооллын айл өрхийн шөнийн цахилгааны үнэ тарифийг буурууллаа. Гэр хорооллын оршин суугчдын 21-06 цагийн хооронд хэрэглэсэн цахилгааны тарифыг тэглэж байна. Энэ үедээ цахилгаан халаалт ашиглан, дулаанаа шийдэх боломжтой. Ингэснээр агаарын бохирдол буурна гэж тооцсон. Энэ нь санхүүгийн хувьд нэлээн ачааллыг бий болгож байгаа. Үүнийг Засгийн газар хариуцаад явна. Техник, тоног төхөөрөмжийн хувьд ачаалал үүсч байгаа.
-Шөнийн тарифыг хөнгөлснөөр иргэдэд ямар нэг шалгуур тавьж байгаа юу?
- Хамгийн гол нь шөнийн тариф тоолууртай хэрэглэгчид, дээр нь Агаарын бохирдлын тухай хуульд заасан нөхцөл шаардлагыг хангаж байж хөнгөлөлтүүдэд бүрэн хамрагдана. Мөн иргэд цахилгааны монтаж, утсаа сайжруулах, галын болон бусад аюулаас сэргийлэх зэрэг тодорхой арга хэмжээг өөрсдөө авсан байх хэрэгтэй. Манай мэргэжлийн байгууллагын зүгээс тодорхой заавар журам, сэрэмжлүүлгийг өгнө.
Н.Энх
Уншиж байна |