Монгол Улсаас Бүгд Найрамдах Сингапур Улс, БНЭУ, Куба Улс, БНАЛАУ-д суух Онц бөгөөд Бүрэн эрхт Элчин сайд Б.Дэлгэрмаа, С.Баяраа, О.Даваасамбуу, Т.Жанабазар нарт зориулсан нэг өдрийн сургалт-семинарыг 1 дүгээр сарын 6-нд ГХЯ-нд зохион байгуулав. Гадаад харилцааны сайд Г.Занданшатар сургалт-семинарт оролцож, Элчин сайд нарт тодорхой чиглэл, үүрэг даалгавар өгөв. НХХЯ, БХЯ, ХЗДХЯ, СЯ, ЗТБХБЯ, ЭМЯ,  БСШУЯ-ны ТНБД болон газрын захирлууд, Үндэсний Аудитын газрын ахлах аудитор хариуцсан салбарын бодлого, үйл ажиллагааны талаар мэдээлэл хийж, холбогдох танилцуулга материал түгээж, цаашид анхаарч ажиллах чиглэлүүдээр Элчин сайд нарт санал хүсэлтүүд тавив. Яамны ТЗУГ-ын захирал Б.Баярсайхан, СТХШҮГ-ын захирал Г.Батжаргал, АГ-ын захирал Б.Ганболд, АОДАГ-ын захирал Б.Одонжил, ГХЭЗХАГ-ын захирал Н.Энхтайван, ОНХГ-ын захирал Б.Дорж, ГЭЗГ-ын захирал Ч.Баттөмөр,  Консулын газрын дэд захирал Гантулга, СХОХ-ийн дарга Д.Мөнхцэцэг нар тус тус мэдээлэл хийж, Элчин сайд нарын сонирхсон асуултад дэлгэрэнгүй хариулт өгч, санал солилцов. Энэ хүрээнд АГ-ын захирал Б.Ганболд Сингапур, Лаос, Энэтхэг улсад суух Элчин сайд нарыг тусгайлан хүлээн авч, зөвлөлдөх уулзалт хийв.