УИХ-ын гишүүн Х.Нямбаатар тойрогтоо хөрөнгө оруулалт хийлээ. Тэрбээр Сонгинохайрхан дүүргийн гуравдугаар хорооны өрхийн эмнэлгийн хуучин байрыг өөрийн хөрөнгөөр засч, тохижуулан, 100 хүүхдийн цэцэрлэг болгожээ.

Ингэснээр Сонгинохайрхан дүүргийн 3, 26 дугаар хорооны 100 хүүхэд цэцэрлэгт хамрагдаад зогсохгүй багш, тогооч, манаач гээд 10 гаруй хүнийг ажлын байраар хангажээ. 

Х.Нямбаатар гишүүн цэцэрлэгийн төслөө цааш үргэлжлүүлж, Улаанчулуутын хогийн цэг орчимд 250 хүүхдийн багтаамжтай хүүхдийн цэцэрлэг байгуулахаар болжээ. Цэцэрлэгийн барилгын ажлыг ирэх дөрөвдүгээр сараас эхлүүлэх юм байна.

В.Бат