Финландын Засгийн газар энэ оны нэгдүгээр сараас эхлэн ажилгүй иргэддээ сар бүр 560 евро өгч, амьдралд нь туслалцаа үзүүлэхээр болсон талаар “www.dailymail.co.uk” сайт мэдээллээ.

Ийнхүү Финланд, Европ тив дэх ажилгүй иргэддээ цалин өгсөн анхны улс боллоо.

Энэхүү аргаар ядуурлыг бууруулах зорилготой байна. Гэхдээ амьжиргааны түвшин доогуур бүх иргэд дээрх мөнгөн тусламжийг үзүүлэхгүй. Тус улсын “KELA” агентлаг “Санамсаргүйгээр сонгосон 2000 хүнд энэ сарын 1-нээс эхлэн тасралтгүй хоёр жил цалин өгнө. Энэ хугацаанд эдгээр иргэдийн амьдралд ямар өөрчлөлт гарч буйг нарийн судалж, уг туршилтыг үргэлжлүүлэх эсэхийг шийднэ” гэж мэдээлжээ. Эдгээр иргэд хоёр жилийн хугацаанд сар бүр 560 еврог авахаар болсон байна.

Финланд улс 5.5 сая хүн амтай. Ойролцоогоор 213 мянган хүн ажилгүй хэмээн Сангийн яамнаас мэдээлэв.

Б.Дэлгэрцэцэг