Өмнөд Солонгос олон улсыг заналхийлж буй Хойд Солонгосын удирдагч Ким Чен Уныг устгах салааг бүрдүүлж эхэлсэн талаар албаны эх сурвалжийн мэдээллээс иш татан “www.dailymail.co.uk” сайт мэдээллээ.
Өмнөд Солонгосын Батлан хамгаалах яамын албаны төлөөлөгч “Бид багаа бүрдүүлэх ажлаа түргэвчилж байна. Энэхүү тусгай салааг “устгах салаа” хэмээн нэрийдсэн. Бүх ажиллагаа нууцын зэрэглэлд явагдана” гэж мэдэгдсэн байна. “Бидэн рүү ир. Бид могойн толгойг таслах болно” хэмээн тэрбээр нэмж өгүүлжээ.
Уг тусгай салаа зөвхөн дайны нөхцөл байдал ажиллагаа явуулах боломжтой гэнэ. Гэхдээ 1953 онд хоёр улсын удирдлагууд харилцан гал зогсоох эвлэрэлийн гэрээг амжилттай байгуулсан ч өнөөг хүртэл дайсагнасан харилцаатай байдаг юм.
Тусгай цэргийн ажиллагаа явуулах “устгах салаа”-нд багтах дайчдыг энэ ондоо багтаан бүрдүүлэх гэнэ. Өмнө нь уг салааг 2019 ондоо багтаан бүрдүүлэхээр төлөвлөж байсан ч яаралтай энэхүү салааг бүрдүүлэхээр болсон байна.
Учир нь өнгөрсөн оны эцсээр Ким Чен Ун “Сөүл хотноо байрлах Ерөнхийлөгчийн Хөх ордонг дэлбэлнэ” хэмээн заналхийлсэнтэй холбоотой гэнэ. Мөн тэрбээр 2017 онд хэд хэдэн удаа цөмийн туршилт хийж, баллистик пуужин туршиж, цөмийн хүчин чадлаа улам нэмэгдүүлэх болно олон улсад хандан мэдэгдсэн юм. Ким Чен Ун гол байгаа АНУ болон Өмнөд Солонгос хэмээн илэрхийлсэн билээ.
Б.Дэлгэрцэцэг