ОХУ-ын нийслэл Москва хотноо сүүлийн жилүүдэд болоогүй хүйтэн өвөл болж буй талаар тус улсын Цаг уурын хүрээлэнгээс мэдээлж байна.

Нийслэл хотноо өдөртөө хасах 20-30 хэмийг зааж буй гэнэ. Гурав дахь өдрөө үргэлжиж буй хүйтний улмаас тус улсын нисэхийн компаниуд хуваарьт нислэгүүдээ цуцалж эхэлсэн талаар “www.dailymail.co.uk” сайт мэдээллээ.

Ганцхан өдрийн дотор нисэхийн компаниуд 45 нислэгээ цуцалж, 20 нислэгээ хойшлуулсан талаар албаны төлөөлөгч “TASS” агентлаг уламжлав. Шереметьево нисэх буудалд өчигдөр 33 нислэг цуцлагдсан гэнэ.

Мөн Туркийн Истанбул хотноо эрс хүйтэрч, олон хоног цас орсны улмаас тус улсын “Turkish Airlines” нисэх компани аюулгүй байдлын улмаас 378 нислэгээ цуцалжээ.

Б.Дэлгэрцэцэг