Гавьяат дасгалжуулагч Вандуйн Батбаярын нэрэмжит боксын насанд хүрэгчдийн Улсын аварга шалгаруулах тэмцээн хоёр дахь өдрөө медалийн төлөөх тулаанаар үргэлжилж байна.
Тэмцээний эрэгтэйчүүдийн 60 кг-ийн медалийн төлөөх тоглолтод “Рио 2016” олимпийн наадмын хүрэл медальт, “Хилчин” спорт хорооны тамирчин, МУГТ Д.Отгондалай, Баянгол дүүргийн оролцогч Д.Түвшинтөртэй оноолт таарсан. Тэмцээний дундаас Д.Түвшинтөрийн дасгалжуулагч тамирчнаа дэвжээнд гаргахаас татгалзсаны улмаас МУГТ Д.Отгондалай хүрэл медалийн болзол хангалаа.
Мөн эрэгтэйчүүдийн 56кг-д ОУХМ Х.Энх-Амар Баянхонгорын Ж.Отгонбаттай өрсөлдөж техникийн илт давуугаар ялснаар хагас шигшээд шалгарав. Тэрбээр Рио-2016 олимпийн наадамд 52кг-д өрсөлдсөн бол УАШТ-нд жин өгсөн оролцож буй юм.
Тэмцээнд 39 багийн нийт 201 тамирчин эрэгтэй ес, эмэгтэй найман жинд өрсөлдөж байна.
Г.Тэгшсүрэн
Уншиж байна |