УИХ-ын гишүүн О.Баасанхүү "Заримдаа МАХН-аас гараад АН-д орох ёстой мэт санагдах юм" хэмээн жиргэжээ. Энэ парламентад "ганц дайчин ганцдахгүй" гэдгийг өөрийн биеэр үлгэрлэж байгаа гишүүн бол О.Баасанхүү. Тэрбээр өмнөх парламент дахь "бор оймсноос шидэгдэн парламентад орж ирсэн" гэх нэрээ цэвэрлэж, энэ парламентад МАХН-ыг суудалтай болгосон гавьяатай нэгэн.

Шинэ парламент үйл ажиллагаагаа явуулж эхэлснээс хойш  байнгын хороо, чуулганы хуралдаанаар хэлэлцэх асуудал бүрт  үнэмлэхүй 65-тай мэтгэлцэн, сөрөг хүчин АН-ын 9-т хүч нэмж байгаа ч гэж болно.

Харин МАХН-аас гарах санаа түүний хувьд анх удаагийнх биш. Өмнөх парламентад ч АН-д элсэхээр санаархаж байсан ч тухайн үеийн эрх баригчид гэдийгээд хүлээж аваагүй гэдэг. Харин одоо парламентад сөрөг хүчин болсны дараагаар  түүнд тал зассан байх талтай.

Гэхдээ МАХН-ын хувьд өнөөдөр О.Баасанхүү "чухал хүн". Хэрвээ өөр намд элсвэл МАХН парламентад суудалгүй болж, Ерөнхийлөгчийн сонгуульд өрсөлдөх эрх нь хаагдана. Ерөнхийлөгчийн сонгуулийн жил эхэлсэн энэ үед О.Баасанхүү гишүүн ийн жиргэсэн нь хэн нэгний хатгаас нөлөөлсөн үү, эсвээс өөрийн үнэ цэнээ намдаа мэдрүүлэх гэснийх үү. Ямартай ч түүний энэ жиргээ асуудлын эхлэл байж ч мэдэх. Ерөнхийлөгчийн сонгууль угтсан энэ өдрүүдэд эрх баригчид ч түүнд албан тушаал амлаж, намдаа элсүүлэхээр санаархахыг таашгүй. 

Н.Нягт

Заримдаа МАХН аас гараад АН д орох естой мэт санагдах юм.

— Baasankhuu Oktyabri (@baasankhuu_o) January 16, 2017