Өмнөговь аймагт онц хэрцгий аргаар хүний бие, эрүүл мэндэд Йхалдсан хэргүүд дараалан гарсан байна.
Энэ сарын 14-ний өдөр тус аймгийн Даланзадгад суманд 13 настай өсвөр насны охиныг гэмт этгээдүүд бүлэглэн зодож, хүчирхийлсэн аймшигт хэрэг үйлджээ.Хохирогч охины биеийн байдал маш муу, нэг хөл нь хугарч эмнэлэгт эмчлүүлж байгаад нас барсан гэнэ.
Түүний дараа энэ сарын 18-нд Мэргэжил сургалт үйлдвэрлэлийн төвийн хашаанаас 19 настай оюутан охиныг бусдад зодуулсан байхад нь олжээ. Охиныг мөн хүчирхийлсэн болохыг тогтоожээ. Хохирогч охины биеийн байдал тааруу, аймгийнхаа эмнэлгийн сэхээн амьдруулах тасагт хэвтэн эмчлүүлж байгаа гэнэ. Нэг дор аймшигт хэрэг дараалан гарсантай холбогдуулан нутгийн иргэдэд сэрэмжлүүлэг хүргүүлж, аймгийн цагдаагийн алба хаагчид өндөржүүлсэн бэлэн байдалд шилжжээ. Мөн сэжигтнүүдийн ам зургийг гаргаж, эрэн сурвалжилж эхэлсэн байна.
Цагдаа нар отолт хийж тэдний хоёрыг баривчилсан бөгөөд зарим нь гадуур эрх чөлөөтэй явж байж болзошгүй гэнэ.
Т.ДАЛАЙ
Эх сурвалж:www.polit.mn
Уншиж байна |