Эрдэнэт үйлдвэр ХХК жилд нэг удаа их зогсолт хийж, үйлдвэрлэлийн тасралтгүй үйл ажиллагаатай техник, тоног төхөөрөмжиндөө их засвар хийдэг. Энэ оны их зогсолтын товыг долоо, наймдугаар сарын үед хийхээр товложээ. Уг товыг Төвийн Эрчим хүчний систем, Эрчим хүчний яам, Зохицуулах хороо зэрэг холбогдох байгууллагуудтай ярилцсаны үндсэн дээр ажлын ачаалал, хуваарийг харгалзан тогтоосон байна.

 
Эрдэнэт үйлдвэр их зогсолтын бэлтгэл ажлыг зургаан сарын өмнөөс хангаж эхэлдэг аж. Энэ жилийн их зогсолтын үеэр хийгдэх ажлуудын төлөвлөгөөнд эрчим хүч, цахилгаан, усны чиглэлийн засвар үйлчилгээнүүд тусгагджээ. Тодруулбал Сэлэнгэ мөрнөөс ирж буй гол магистрал шугамууд, тэдгээрийн хаалт, арматурын үзлэг шалгалт, мөн цахилгааны дэд станцуудын ерөнхий шитүүдэд засварын ажлууд хийгдэнэ. 

Мөн Баяжуулах үйлдвэрийн агуулах, бункеруудыг цэвэрлэх, эргэлтийн усны системийн үйл ажиллагааг хянах ажлууд багтжээ. 

В.Бат