Хойд Солонгос улсаас Их Британи улсад суугаа бүрэн эрхт Элчин сайдын нэгдүгээр орлогч Тае Ён Хо өнгөрсөн оны наймдугаар сард Өмнөд Солонгос руу гэр бүлийнхээ хамт зугтаасан билээ. Тэрбээр ийнхүү зугтаахдаа Хойд Солонгосын удирдагч Ким Чен Уны нэр дээрх 58 сая ам.долларыг хулгайлсан байна.
Уг мэдээллийг Сөүлийн удирдлагууд үгүйсгэсэн боловч Тае Ён Хог удирдагчийн гадаад мөнгөн санг хариуцдаг байсан дипломатчдын нэг гэдгийг хүлээн зөвшөөрчээ. Пхеньян өнөөг хүртэл улсаасаа урвасан дипломатчийг хүлээлгэн өгөхийг Сөүлийн талаас шаардсаар байгаа юм. Тэгвэл урвагч гэгдэж буй дипломатч өчигдөр Британийн “ВВС” агентлаг анх удаагаа ярилцлага өгсөн талаар “www.koreatimes.co.kr” сайт мэдээллээ.
Тэрбээр “Хойд Солонгосын цөмийн хөтөлбөр өдөр ирэх тусам боловсронгүй болж байгаа. Тун удахгүй АНУ-д хүрч чадах алсын тусгалтай пуужинг үйлдвэрлэх болно. Миний хийсэн хэргээс болж Хойд Солонгос амьдарч буй гэр бүл, хамаатан садан, найз нөхөд минь бүгд хорих лагерьт байгаа. Би үнэхээр айж бас сэтгэл өвдөж байна” гэж хэлжээ.
Б.Дэлгэрцэцэг
Уншиж байна |