Ерөнхий сайд асан Н.Алтанхуяг АТГ-т дуудагдан, цаг гаруй хугацаанд байцаалт өглөө. Тэрбээр мэдүүлгээ өгөөд гарч ирэхдээ сэтгүүлчдийн асуултад хариулсан юм. Таныг ямар үндэслэлээр байцаасан бэ гэсэн асуултад Ерөнхий сайд асан Н.Алтанхуяг:
-АН-ын Их хурлын өмнөхөн нэг дуудагдсан. Одоо АН-ын даргын сунгаа 3 хоногийн дараа болно. Энэ үеэр дуудагддаг ажилтай болоод байна. Хувийн ашиг сонирхлоор нэг ч зүйл хийгээгүй. Би Монголын төрд олон жил зүтгэж байна. Ард түмнийхээ амжиргааг дээшлүүлэхээр бүтээн байгуулалт хийхийг зорьдог. АН-ын дарга болчихож магадгүй гэж бүлэглэлүүд санаа зовоод шөнө дууддаг болж. Гурав хоногийн дараа болох сунгаанд Н.Алтанхуягийг гэмтэн болгож харагдуулах оролдлого хийж байна. Намын даргын санал хураалтад гишүүдэд нөлөөлөх гэж байна. Надаа янз бүрийн хийсэн хэрэг байхгүй.
Ц.Элбэгдорж М.Энхболдтой нийлж, намайг гэмтэн болгон харагдуулж байна. Монголын хамаг баялгийг сорж байгаа Ц.Элбэгдорж, М.Энхболд хоёрын толгойлсон бүлэглэлтэй үхтлээ тэмцэнэ хэмээлээ.
Н.Нягт