Их Британийн Ерөнхий сайд Тереза Мэй өнгөрсөн баасан гаригт АНУ-д төрийн айлчлал хийж, ажлаа хүлээн аваад удаагүй байгаа Ерөнхийлөгч Дональд Трамптай уулзсан юм. Трампийн төрийн тэргүүний хувиарх анхны зочин хатагтай Мэй боллоо. Удирдагчид сүүлийн үеийн асуудлаар байр сууриа солилцжээ. Ерөнхий сайд Мэй Цагаан ордонд зочилж, Ерөнхийлөгчтэй уулзах үеэрээ алдартай улбар шар өнгийн хослолоо өмссөн байна. Тэрбээр олонд алдаршаад буй улбар шар хослолоо томоохон орны удирдагчтай уулзах үеэрээ өмсдөг хэмээн орон нутгийн хэвлэлүүд мэдээлж байна. Мэй өмнө нь Ерөнхийлөгч Путин, Си Зиньпин, Обама нартай уулзах үеэрээ дээрх хослолоо өмсчээ.
Б.Дэлгэрцэцэг
Уншиж байна |