Монгол Улсын Гавьяат эдийн засагч Б.Осоргарав “Эх орноо эдийн засгийн хүндрэлээс гаргахын төлөө” уриатай хандивын аяныг эхлүүлж, 10 сая төгрөг, 10 адуу, алтан бөгжөө улсад хандивласан. Түүний аяныг улстөрчид дэмжиж эхэллээ. УИХ-ын гишүүн Б.Дэлгэрсайхан 100 сая төгрөг хандивлахаа мэдэгдсэн.
Тэгвэл өнөөдөр УИХ-ын гишүүн Ж.Батзандан аянд нэгдэж буйгаа хэлэв. Тэрбээр гурван сарын цалингаа улсад хандивлахаа мэдэгдэв. Мөн тэрбээр “Мөнгө төгрөгтэй хүмүүс хандиваа сайн өгөх хэрэгтэй. Оффшортой хүмүүс мөнгөө авч ирээд улсдаа өгөх хэрэгтэй. Би гурван сарынхаа цалинг хандивлана. Энэ бол эх оронч санаачилга. Гэхдээ хандиваар өгч байгаа мөнгө зөв зүйлд зарцуулагдаасай гэж хүсч байна. Иддэг, уудаг нөхөд битгий идэж уучихаасай. Иргэдээс ирсэн хандивыг иргэдийн сайн сайхны төлөө зарцуулах ёстой” гэв.
В.Бат
Уншиж байна |