АНУ-ын 45 дахь Ерөнхийлөгч Дональд Трамп энэ амралтын өдөр “Фокс” сувагт сүүлийн үеийн асуудлаар ярилцлага өгсөн талаар “TASS” агентлаг мэдээллээ.
Ярилцлагын эхэнд сэтгүүлч АНУ, ОХУ-ын харилцааны тухай асуухад Трамп “АНУ, ОХУ-тай харилцаагаа сайжруулахыг зорьж байна. Улстөрийн таагүй нөхцөл байдлын улмаас олон мянган иргэн хохирогч боллоо” гэж хариулжээ.
“ОХУ-ын Ерөнхийлөгч В.Путинийг та хүндэтгэдэг хэмээн өмнө нь иргэдтэй уулзах үеэрээ ярьсан. Төрийн тэргүүн болоод таны энэ бодол өөрчлөгдсөг үү?” гэхэд Трамп “Би бодолдоо үнэнч байдаг нэгэн. Би Путинийг хүндэтгэдэг. Путин бол агуу бас сайн удирдагч. Гэхдээ би түүнийг хүндэтгэдэг ч бид хамтдаа явж буй гэсэн үг биш. Бид өөр өөрийн гэсэн бодолтой, өөр өөр үзэл бодолтой хүн” гэсэн байна.
Сэтгүүлч “Дэлхийн олон орноос яагаад заавал ОХУ-ыг ингэтлээ сонирхож байгаа юм бэ?” хэмээн асуухад Ерөнхийлөгч Трамп “ОХУ-тай хамтарсанаар Ойрхи Дорнодыг заналхийлж буй исламын улсыг нухчин дарж чадна. Мөн хоёр улс дэлхийд энхтайван тогтоож чадна” хэмээн харилжээ.
Б.Дэлгэрцэцэг
| Уншиж байна |