Хойд Солонгосын удирдагч Ким Чен Уны эцэг нэгт ах Ким Чен Нам өнгөрөгч долоо хоногт Куала Лампур хотын нисэх буудалд байхдаа бусдад хорлогдсон юм. Орон нутгийн цагдаагийнхан уг хэрэгтэй холбогдуулан хоёр эмэгтэй, хоёр эрэгтэйг баривчлаад байна.
Баригдаад буй иргэд Индонез, Вьетнам болон Хойд Солонгосын иргэн байгаа юм. Тэгвэл цагдаагийнхан Ким Чен Намын аллагатай холбогдуулан Хойд Солонгосын дөрвөн иргэнийг эрэн сурвалжилж эхэлсэн талаар “www.dailymail.co.uk” сайт мэдээллээ.
Эрэн сурвалжлагдаж буй иргэдийн зургийг цахим ертөнцөөр тарааж, сэтгүүлчдийг хамтран ажиллахыг Куала Лампурын Цагдаагийн газраас хүсчээ. Эрэн сурвалжлагдаж буй дээрх иргэд Ким Чен Нам амиа алддаг өдөр Куала Лампурын нисэх буудалд байхдаа хяналтын камерт бичигджээ.
Хойд Солонгосын эрх баригчид Ким Чен Намын үхэлтэй холбоогүй гэдгээ мэдэгдсэн билээ.
Б.Дэлгэрцэцэг
| Уншиж байна |