Стратегийн зөвлөлдөх уулзалтыг монголын талаас ГХЯ-ны Төрийн нарийн бичгийн дарга Д.Даваасүрэн, японы талаас Гадаад хэргийн дэд сайд Т.Акиба нар ахалж оролцоно.
Энэ удаагийн уулзалтаар талууд Монгол, Японы Стратегийн түншлэлийн харилцааны өнөөгийн байдалд үнэлэлт дүгнэлт өгч, цаашдын зорилтуудын талаар санал солилцоно. Мөн олон улс, бүс нутгийн байдал, хоёр улсын гадаад бодлогын талаар мэдээлэл солилцож, зөвлөлдөхөөр төлөвлөж байна.
Япон Улсын Гадаад хэргийн дэд сайд Т.Акиба Монгол Улсын Их Хурлын дарга М.Энхболд, Гадаад харилцааны сайд Ц.Мөнх-Оргил нарт тус тус бараалхахаар төлөвлөж байна.
Өмнөх удаагийн Стратегийн зөвлөлдөх уулзалт 2014 оны 6 дугаар сард Токио хотноо зохион байгуулагдсан.
Уншиж байна |