Сар шинийн баярын өдрүүдээр зам тээврийн ослын улмаас 8 хүн нас барсан байна.
Тухайлбал, хоёрдугаар сарын 26-ны өдрийн 17.00 цагийн орчимд Төв аймгийн Борнуур сумын Нарт багийн “Холбоо толгой” гэдэг газарт 2 суудлын автомашин мөргөлдсөний улмаас 40 настай, эрэгтэй, 38 настай, эмэгтэй, 6 настай, эрэгтэй, 3 настай эмэгтэй нарын 4 хүн нас барсан харамсалтай хэрэг гарчээ.
Мөн Сүхбаатар аймгийн Баруун-Урт сум /сумаас баруун зүгт 52 км-т/ “Их цагаан” гэдэг газарт энэ сарын 1-ний өдөр Ланд-80 загварын автомашин онхолдож, 33 настай, эрэгтэй хүн нас баржээ.
Түүнчлэн Өвөрхангай аймгийн Зүүнбаян-Улаан сумын Дэвшил багийн “Баруун шанаганы-Ар” гэдэг газарт 2 автомашин мөргөлдөж, 9 настай эмэгтэй, тус аймгийн Хархорин сумаас 65 км-т, Архангай аймгийн Хашаат сумын нутаг “Номгоны-Ар” гэдэг газарт 2 суудлын автомашин мөргөлдөж, 52 настай, эрэгтэй, 50 настай эмэгтэй амь нас эрсэдсэн байна.
Уншиж байна |