“Харри Потер” цувралын од Эмма Стоуны гол дүрийг бүтээсэн “Гоо үзэсгэлэн ба араатан” уран сайхны киног Малайзад нээлтээ хийхийг хориглосон талаар “www.dailymail.co.uk” сайт мэдээллээ.

Малайзын эрх баригчид уг бүтээлийг нээлтээ хийхийг тодорхойгүй хугацаагаар хойшлуулсан байна.

“Гоо үзэсгэлэн ба араатан” кино хуваарийн дагуу өнгөрсөн долоо хоногт Куала Лампур хотын томоохон кино театруудад нээлтээ хийх ёстой байжээ. Малайзын Соёлын яам “Бид уг бүтээлийг дотоод үзлэгээр оруулсаныхаа дараа кино театруудаар гаргах эсэхийг шийдэх болно” гэж мэдэгдсэн байна.

“Уг бүтээлд ижил хүйстнүүдийг ихээр өгүүлж, өсвөр үеийнхэнд буруу үлгэр дуурайлал үзүүлэх эрсдэлтэй” хэмээн Малайзын талаас өгүүлжээ. Малайзаас гадна өнгөрсөн сард ОХУ тус бүтээлийг дотооддоо гаргахыг хориглосон юм.

Б.Дэлгэрцэцэг