Төр нийгмийн нэрт зүтгэлтэн С.Зориг агсныг хөнөөсөн хэргийн шүүх хурал Нийслэлийн эрүүгийн хэргийн давж заалдах шатны шүүхэд болж байна.
Шүүх хуралд С.Зориг агсны төрсөн ах С.Баяр оролцож буй. Тэрбээр өөрийн дүү С.Оюуныг төлөөлөн шүүх хуралд оролцож буйгаа хэлсэн байна. С.Оюун нь гадаадад томилолттой ажиллаж буй аж. Мөн С.Баяр шүүх хурлыг нээлттэй явуулах хүсэлтийг тавьсан байна.
Харин улсын яллагч "Энэ хэрэг нь төрийн маш нууцад хамаарна гэсэн дүгнэлтийг шинжээч гаргасан учраас Шүүх хуралдааныг хаалттай явуулах нь зүйтэй" гэж үзжээ.
Шүүх хуралд шүүгдэгч Т.Содномдаржаа, Ц.Амгаланбаатар, Т.Чимгээ нар хорих байрнаас цахимаар холбогдож байна.