Ирэх дөрөвдүгээр сарын нэгнээс эхлэн нийтийн тээврийн бэлэн мөнгөний хайрцгийг авч, зөвхөн картаар үйлчилнэ гэдгийг нийслэлийн Тээврийн газар, Улаанбаатар смарт компаниас хэвлэлийн хурал хийнэ мэдэгдлээ.
Иргэдийн 70 хувь нь картаар үйлчлүүлдэг. Гэвч тэдний 50 орчим нь хөнгөлөлттэй зорчигчид, оюутнууд байдаг байна. Харин мөнгөө төлдөг хэсэг нь төлбөрөө бүрэн гүйцэд хийдэггүй байна. Иргэд урагдсан болон хуурамч мөнгөн дэвсгэрт, дутуу төлбөр хайрцаг руу хийдгээс үүдэж, нийтийн тээвэр өдрийн орлогын 23 хувийн алдагдалд орж байна. Тиймээс бэлэн мөнгөний хайрцгийг авч, зөвхөн картаар үйлчлэх болсныг холбогдох байгууллагынхан хэлж байна.
Ийм зохицуулалт хийж буйтай холбогдуулан хүүхэд болон том хүнд зориулсан сарын хязгааргүй хэрэглээтэй карт гаргах аж. Тус карт том хүнийх нь 25000, хүүхдийнх 8000 төгрөгөөр худалдан авна. Мөн хотын зах хэсэгт 20 мянган U money картыг үнэгүй тарааж, иргэдэд хүргэх аж.
Одоогоор U money карт хямдралтай буюу 2000 төгрөгийн үнээр нийслэлийн 480 цэгт борлуулагдаж байна.
В.Бат
Уншиж байна |