Британийн нийслэл Лондон хотноо халдлага үйлдсэн этгээдийн зургийг нийтэд ил болгожээ. Халдлага үйлдсэн этгээд Британийн иргэн бөгөөд нэрийг нь Халид Масуд гэгч болохыг тогтоогоод байгаа юм. Лондон хотноо болсон халдлагаар таван хүн амиа алдаж, 40 гаруй хүн шархтжээ.

Цагдаагийнхан халдлагатай холбоотой зургаан этгээдийг баривчлаад байна. Гэхдээ Нийслэлийн Цагдаагийн газар “Халид Масудыг ганцаараа халдлага үйлдсэн” хэмээн хэвлэлийнхэнд мэдэгджээ.

Халид Масудыг цагдаагийнхан устгасан бөгөөд түүнийг ямар нэгэн террорист бүлэглэлтэй холбоотой гэх баримт олдоогүй байна.

Харин Иракийн хэт даврагч “Халифатын вант улс” бүлэглэл Лондонгийн халдлагын хариуцлагыг хүлээгээд байгаа юм.

Б.Дэлгэрцэцэг