Хойд Солонгос улс өчигдөр дунд тусгалын пуужинг Хамгён-Намдо мужид байрлах Синпхо нэртэй боомт хотын дүүргээс харвасан билээ. Уг пуужин 60 км замыг туулсаныхаа дараа Японы тэнгист унасан байна.
БНХАУ-ын дарга Си Зиньпин маргааш АНУ-д айлчилж, тус улсын Ерөнхийлөгч Дональд Трамптай уулзана.
Удирдагч Хойд Солонгосын асуудлаар нь ярилцах нь нэгэнт тодорхой болоод байгаа юм.
“Уг уулзалтыг эсэргүүцэн Пхеньян пуужин харвасан” хэмээн Японы Батлан хамгаалах яамнаас мэдээлэв.
Пхеньян олон улсын шаардлагыг үл тоон ээлжит пуужингийн туршилт хийсэн явдлыг АНУ-ын Төрийн нарийн бичгийн дарга Рекс Тиллерсон эрс буруутгажээ.
Тэрбээр “Хойд Солонгос дунд тусгалын баллистик пуужин харвасан. АНУ-ын эрх баригчид Хойд Солонгосын талаар хангалттай ярьсан. Тиймээс ямар нэгэн нэмэлт тайлбар хиймээгүй байна” гэж мэдэгдсэн байна.
Б.Дэлгэрцэцэг
Уншиж байна |