АНУ-ын Төрийн нарийн бичгийн дарга Рекс Тиллерсон ОХУ-ын Москва хотноо хийх төрийн айлчлалаа өндөрлүүлсэн талаар “TASS” агентлаг мэдээллээ.
Тэрбээр өчигдөр ОХУ-ын Гадаад хэргийн сайд Сергей Лавровтай уулзсан бол тус улсын Ерөнхийлөгч В.Путинд бараалхсан талаар Кремлийн хэвлэлийн төлөөлөгч Дмитрий Песков уламжлав. Сайд нар Сири, Украин улсад үүсээд буй хямралын талаар голлон ярилцжээ. Уулзалт таван цаг үргэлжилсэн бөгөөд сайд нарын хамтарсан мэдэгдлийн үеэр Лавров америк сэтгүүлчийг загнасан талаар “www.dailymail.co.uk” сайт мэдээлэв.
Хамтарсан хэвлэлийн хурал эхлээд удаагүй байхад Америкийн “NBS” сувгийн сэтгүүлч Эндри Митчел тэдний яриаг таслаж, асуулт асуужээ.
Уг үйлдэлд эгдүүцсэн сайд Лавров “Ийм хүмүүжлийг хэн чамд зааж өгөв?” хэмээн хэлсэн байна.
Хамтарсан мэдэгдэл дууссаны дараа мөн сайд Лавров сэтгүүлчдэд хандан “За орилцгоож болно” гэж хэлжээ. Тиллерсон, Путин нар уулзсан боловч уг уулзалтаар тэд юу ярилцсан нь тодорхойгүй байна.
Б.Дэлгэрцэцэг