"Ирээдүйн мистер 2017" 21 дэх удаагийн Улаанбаатар хотын аварга шалгаруулах тэмцээн энэ сарын 14-нд болж өндөрлөсөн.
Уг тэмцээнд “Чийрэг монгол” фитнесс клубийн тамирчин хөгжлийн бэрхшээлтэй иргэн Г.Батжаргал оролцсон бөгөөд түүнд тэмцээний зохион байгуулагчдын зүгээс хүндэтгэлийн медаль гардуулсан байна.
Мөн тэмцээнийг үзэж сонирхож байсан загвар өмсөгч А.Чингүүн түүнд өөрийн ажиллуулдаг зоогийн газраар үйлчлүүлэх сая төгрөгийн эрхийн бичиг гардуулахаа мэдэгдсэн байна.
Сая төгрөгийн эрхийн бичгээ өнөөдөр албан ёсоор гардуулан өгчээ. А.Чингүүн “Хөгжлийн бэрхшээлтэй хүн надаас илүү хөдөлмөрч надаас гоё биеээ хөгжүүлж чадсанд нь их урамшлаа. Өөрөө үзэгчийн суудлаас гарч шагнал амлаад нэрийн хуудсаа өгсөн болохоор өнөөдөр албан ёсоор шагналыг нь гардууллаа. Энэ залуу тайзан дээр ч гэсэн сая ч гэсэн надтай уулзаад уйллаа чамд их баярлалаа” хэмээжээ.
Г.Тэгшсүрэн
Уншиж байна |