Британийн нийслэл Лондон хотноо байрлах “Мангли” гэх шөнийн клубээр үйлчлүүлж байсан хүмүүс рүү хүчил цацсан онц ноцтой хэрэг гарсан талаар “www.dailymail.co.uk” сайт мэдээллээ.
Хэрэг гарах үед клубээр 100 орчим хүн үйлчлүүлж байсан бөгөөд 12 хүн бэртсэн байна.
Бэртсэн хүмүүсийг яаралтай эмнэлэгт хүргэж, эмчилгээ хийж эхэлсэн талаар Лондонгийн цагдаагийн газраас мэдээлэв. Эмнэлэгт хүргэгдээд буй иргэдийн хоёрынх нь биеийн байдал хүнд байгаа гэнэ.
Уг хэрэг орон нутгийн цагаар 1.10 цагт гарчээ. 20 орчим насны хоёр залуу иргэд рүү хүчил цацсан аж. Цагдаагийнхан гэмт этгээдүүдийг эрэн сурвалжиж байна.
Б.Дэлгэрцэцэг
Уншиж байна |