Улаанбаатар
“Амь ордоггүй” чөлөөт бүсийг хэрхэн хөгжүүлэх вэ
2017-4-19

Эдийн засгийн байнгын хорооны хуралдаанаар чөлөөт бүсийн үйл ажиллагааны талаар Шадар сайд У.Хүрэлсүх мэдээлэл хийлээ. Өнөөдөр манай улсад Алтанбулаг, Замын-Үүд, Цагааннуур гэсэн гурван чөлөөт бүс байгаагаас Алтанбулагийн чөлөөт бүс ажиллаж байгаа юм. Чөлөөт бүсэд өнгөрсөн хугацаанд нийт 35 тэрбум төгрөгийн хөрөнгө оруулалт хийсэн байна. Замын-Үүдэд Хятадын хөрөнгө оруулалттай төсөл хэрэгжүүлж байгаа юм байна. Алтанбулаг чөлөөт бүсийн харуул хамгаалалт, төр, захиргааны байгууламж, дэд бүтэц нь  баригдаж ашиглалт оржээ. Тус бүсэд 49 аж ахуй нэгж хөрөнгө оруулалт хийснээс 14 аж ахуй нэгж үйл ажиллагаа явуулж байгаа юм байна. Эдгээр аж ахуй нэгж нийтдээ 24.6 сая төгрөгийн газрын төлбөрийг улсын төсөвт оруулжээ.

 

Замын-Үүд чөлөөт бүсийн хувьд стратегийн хөрөнгө оруулалтын хүрээнд хөгжүүлэхээр баримталжээ. Засгийн газраас стратегийн хөрөнгө оруулалтыг шалгаруулсан ч олигтой үр дүнд хүрээгүй байна. Тиймээс 6.6 тэрбум төгрөгийг улсын төсвөөр хийж, байр, хамгаалалтын хашаа, холбогдох судалгааны ажлыг хийхэд зарцуулжээ. Мөн 13 аж ахуй нэгжид газар эзэмшүүлж, чөлөөлт бүсэд үйл ажиллагаа эрхлэх гэрчилгээ олгожээ. Харин Хятадтай хамтарч “Замын-Үүд-Эрээний хамтарсан чөлөөт бүс байгуулахаар судалгааны ажил хийгдэж байгаа юм байна. Цагааннуур чөлөөт хувийн хувьд одоогоор 5 аж ахуй нэгж газар эзэмшиж байгаа ч хөрөнгө оруулалт татаж чадахгүй байгаа аж.

 

Цаашдаа Засгийн газрын 2016-2020 оны мөрийн хөтөлбөрийн хүрээнд чөлөөт бүсийг хөгжүүлэх хүрээнд хууль эрхзүйн орчныг бүрдүүлэх, импортыг орлох бүтээгдэхүүнийг нэмэгдүүлэх зэргээр хэд хэдэн ажил хийхээр төлөвлөж байгаа юм байна.  

 

 Гишүүд чөлөөт бүсийн асуудалд шүүмжлэлтэй хандаж байсан юм.  УИХ-ын гишүүн М.Оюунчимэгийн  “Замын-Үүдийн чөлөөлт бүс яагаад өнгөрсөн 20 жилд хөгжсөнгүй вэ? Гэтэл Эрээн хөгжөөд байдаг. Очих бүрт судалгаа хийж, хайс барьж байна гэдэг байсан” гэсэн асуултад ажлын хэсгийн гишүүн  “Замын-Үүдийн чөлөөт бүсэд хашаа яригдаад байдаг. Нэг тэрбум төгрөгөөр хийгдсэн. Гэтэл тэр хашаа өнөөдөр говийн элсэнд дарагдаад дуусч байна. Одоо гадаадын хөрөнгө оруулалттайгаар хөгжүүлэхээр яригдсан. Нийтдээ 6.6 тэрбум төгрөгийн бүтээн байгуулалтын ажил улсын төсвөөр хийгдсэн. Гадаадын хөрөнгө оруулалттайгаар 58.8 сая ам.долларын төсөл хэрэгжсэн. Үүний 50 сая ам.доллар нь Хятадын хөрөнгө оруулалттай төсөл. Замын-Үүдэд дулааны станц, дулаан, цэвэр ус, зам харилцаа гэсэн үндсэн дөрвөн төсөл хэрэгжсэн” гэсэн хариулт өглөө.  УИХ-ын гишүүн Л.Энх-Амгалан:

 

-Чөлөөт бүсэд хашааны хэрүүл хийгээд дуусч байна. Уг нь эдийн засгийн чөлөөлт бүсүүдэд импортыг орлох үйлдвэр хэр байгуулагдсан, ажлын байр хичнээн нэмэгдсэн талаар ярьдаг. Бид 13 жил хөгжүүлэх гээд чадсангүй. Эдийн засагт өгөөж алга. Бид бодит байдал дээр үнэлэлт дүгнэлт өгөх цаг болжээ. Өнөөдөр Алибаба дэлхий даяар чөлөөт бүс гэхгүйгээр үйлдвэрээс хэрэглэгч рүү нь хүргэж байна. Бидний аж үйлдвэрийн парк нь ч босдоггүй, чөлөөт бүс нь ч амь ордоггүй. 170 тэрбум төгрөг зарчихаад чөлөөт бүс амь орохгүй байна хэмээж байлаа.

 

Харин гишүүн Ж.Ганбаатар “Сүүлийн үед татвар  нэмнэ гэхийн оронд чөлөөт бүс гэж ярьж байгаа нь тааламжтай байна. Өнгөрсөн алдаануудын талаар яримааргүй байна. Чөлөөт бүсийн талаар Бангладеш, Вьетнам руу явж танилцах хэрэгтэй. Улсын татвар байхгүй, гаднын хөрөнгө оруулагч нар чөлөөтэй ажиллах боломжийг бүрдүүлж байна. Чөлөөт бүсийн бол бидний хөгжлийн гарц гэсэн юм.

 

Алтанбулаг, Замын Үүдийн чөлөөт бусад аудит хийлгэх, үйл ажиллагааг нь сайжруулах чиглэлд арга хэмжээ авах талаар байнгын хорооноос чиглэл өглөө. 

Н.Энх

Shuud.mn
Сонин хачин
irgen:
govio choloot bysee hogjyyleh gej baigaa bol zereg oijuulaach mangar um shig yarihaas oor yuch medehgui,,,,arabiin elsen zol baisan gazruud delhiid tergyylsen hot bolchihood l baina,,,
2017-04-20
зочин:
Цагаан-нуурын чөлөөт бүс гээд нэг хашаанаас өөр юмгүй.Тэгээд бас тэрийгээ олон хүн хүч гаргаж хамгаална.Төсөв мөнгө нь ихдээд байгаа болов уу?Чөлөөт бүс гэж хий хоосон олон жил тоолж барахаарг.үй мөнгө зарлаа.Зарсан мөнгөний тайлангаа ил болгоо ч хашаанаас өөр бичих зүйл лав олдохгүй.Ард түмэн тэнэг биш бүгдийг нь харж байгаа.
2017-04-19
hahahahahahha:
2000 ond zamiin vvded hashaa hatgaj tsai davs bulj . hichneench udaa uya ols tas haichlav??????? baahan mungu tusuvt tusgaj taviad ter gazaraa uhaj nvh gargaj 2 traktor iin saliark dvvrgej 4 jiliig duusanguut nuguu tusuvt tusgasanaaaa zarlag padan bicheed huvaagaad shaadag yum baina leeee
2017-04-19
КЭ:
АМЬ ОРОХГҮЙ ЭЭ МӨНГӨ ҮРЭЭД ЯАХАВ ТАТАН БУУЛГА
2017-04-19
ZOCHIN:
Энэ ажилгүй чөлөөт бүсийн хуулинд өөрчлөлт оруулж, татан буулгах нь зөв. Энэ дампуу байгууллагыг шадар сайд соргогоор харж өөрчлөлт оруулах цаг болсон.
2017-04-19
dsn:
songuuli bolgonii daraa chuluut busiin darga tomilood bsn n yu ch hiigeegui 10 heden jil 170 ter bumaar garaa ugaajdee ,ichhed nuur hiih elsnii honhorhoi ch oldohgui yum bn, ene olon terbumiin ezen haana bn?
2017-04-19
Зочин:
МАН-ыхан ЗҮТГЭНЭ. Өөрсдөө БАЯЖИНА. ЗОРИЛГО нь ТЭР. МАН САЙН бүхнийг НУРААНА ,БУЦААНА. Байгаа бодит байдал ЧАДАЛ нь ТЭР. Одоогийн байдал нь ОУВСангийн тулгалтанд сандарсан Засгийн газар Орост 49 хувиа эргүүлж өгөх эсэх талцал, Олон хүмүүсийг ажлаас халсан хийрхэл,ОФШОРтонгуудаа хамгаалах гэж ядсан оролдлого, 60 тэрбумын аян-ы үргэлжлэл, Жалга дов танил талын авилгал, МИЕЭ- г тойрсон бялдуучлал, Хятадыг хүсэмжилсэн их мөнгө,Хүүхэд хөгшдийг ялгаварласан төрийн бодлого,Хүсээгүй жирэмслэлтийг нохойд хандуулсан Хотын бодлого Эргэж буцаж будилсан татварын бодлого ,энэ бүхэнд дургүйцсэн ард түмэн л байх шив дээ
2017-04-19
zochin:
chuluut bus gedeg chini offshor biz de
2017-04-19