Солонгосын хойгт үүсч болзошгүй эрсдлээс урьдчилан сэргийлэх үүднээс ОХУ-ын Ерөнхийлөгч В.Путин Хойд Солонгосын хил орчимд цэргээ байршуулж эхэлсэн талаар албаны эх сурвалжийн мэдээллээс иш татан “www.dailymail.co.uk” сайт мэдээллээ.

Москва хойд руу хэдэн цэргээ илгээсэн нь нууц хэвээр байгаа бөгөөд одоогоор уг мэдээллийг Кремль батлаагүй байна. ОХУ-ын явган цэргүүд болон танк, нисдэг тэрэг  Хойд Солонгосын хилээс хэдхэн км-ийн цаана байгаа гэнэ.

Барууны хэвлэлүүд өнгөрөгч долоо хоногт БНХАУ-ыг Хойд Солонгостой хиллэдэг бүс нутаг руу "150 мянган цэргээ илгээсэн" хэмээн мэдээлсэн билээ. Солонгосын хойгт дайн дэгдвэл олон мянган хойдууд Хятад руу дүрвэх нь тодорхой юм. Дүрвэгсдийн урсгалыг зогсоох үүднээс Бээжин цэргээ илгээсэн хэмээн хэвлэлүүд мэдээлсэн.

Гэхдээ уг мэдээллийн энэ долоо хоногийн эхээр БНХАУ-ын Гадаад хэргийн яам болон Батлан хамгаалах яамны удирдлагууд эрс үгүйсгэсэн юм.

Б.Дэлгэрцэцэг