АНУ-ын Ерөнхийлөгч Дональд Трамп энэ сарын эхээр Хойд Солонгосын цөмийн заналхийллийн хариуд Солонгосын хойг руу “Карл Винсон” хөлгөөр ахлуулсан байлдааны хөлгүүдээ илгээсэн талаар Пентагон мэдээлсэн юм.

Гэхдээ уг хөлгүүд Солонгосын хойг руу бус Австралид цэргийн сургуулилтад оролцохоор очсон талаар барууны хэвлэлүүд мэдээлсэн билээ. Тэгвэл дээрх хөлгүүд Номхон далайг туулан Япон улсад очсон талаар “www.dailymail.co.uk” сайт мэдээлэв.

Хөлгүүд Японы Батлан хамгааалах яамнаас зарлаад буй цэргийн хамтарсан сургуулилтад оролцох гэнэ.  АНУ, Япон хамтарсан цэргийн сургуулилт хийхээр болсноо өнгөрсөн сард нийтэд зарласан билээ. Одоогоор хоёр тал цэргийн сургуулилтын талаар дэлгэрэнгүй мэдээлэл өгөөгүй байна.

Б.Дэлгэрцэцэг