УИХ-ын гишүүн О.Баасанхүү Төрийн ордон дахь өрөөнөөсөө хөөгдсөн тухайгаа цахим хуудсаараа дамжуулан мэдэгдэв. Тэрбээр

“Өнгөрсөн долоо хоногт нэлээн шүүмжлэлтэй, дайралттай үйл явдал болсон. Би төсвийн хэмнэлт хийж, олон тасалгаатай өрөө тасалгаагаа хэмнээч гэсэн. Бас Хөрөнгө оруулалтын банкны хууль орж ирсэн.Энэ үеэр Монголд Хятадын банк орж ирнэ гэдэг нь мега төсөл буюу төмөр замаар барьцаалах гээд байна гэж хэлсний төлөө нэр төрд халдаж, гүтгэсэн. Харин өнөөдөр өглөө иртэл Төрийн ордонд байдаг өрөөнөөс маань хөөх албан ёсны бичиг ирсэн байна. Тиймээс би Төрийн ордны коридорын буланд өөрийнхөө оффисыг нээх гэж байна” хэмээн ярив.

Тэрбээр энэ тухайгаа одоо 11.30 цагт хэвлэлийн хурал хийж, мэдээлэл өгнө.  

В.Бат