АНУ-ын агаарын хүчний Калифорни дахь Хойд Ванденбергийн баазаас тив хоорондын баллистик пуужинг цэнэгт хошуугүйгээр туршсан талаар “Ройтерс” агентлаг мэдээллээ.
“Уг туршилтын гол зорилго нь пуужингийн тусгалын нарийвчлалыг шалгах, цөмийн зэвсгийн хүчин чадлаа шалгах байсан” хэмээн Пентагоны хэвлэлийн албанаас мэдээлэв.
Калифорнийн баазаас “Minuteman III” баллистик пуужинг туршсан аж.
Албаныхан “Бидний өнөөдөр хийсэн сургуулилт бол ямар нэгэн улсыг өдөөн турхирсан зүйл биш. Иймэрхүү төрлийн сургуулилт өмнө нь явагдаж байна. Тиймээс өчигдрийн ажиллагаа шинэ содон зүйл биш” гэж мэдэгджээ.
Олон нийт АНУ-ын эрх баригчид Хойд Солонгосыг айлгах зорилгоор тив алгасах пуужин харвасан хэмээн буруутгаж буй юм. Америкчууд эрх баригчдаа шүүмжилж, “санаатайгаар Хойд Солонгосыг хатгаж, дайныг өдөөн турхирч байна” хэмээн шүүмжилжээ.
АНУ баллистик пуужин харвахаас гадна тус улсын цөмийн шумбагч “Мичиган” онгоц Бусан хотын эрэгт ирсэн юм. Мөн Америкийн нисэх онгоц тээвэрлэгч “Карл Винсон” болон түүний дагалдах хөлгүүд цэргийн сургуулилтад оролцохоор Японы тэнгист ирсэн билээ.
Б.Дэлгэрцэцэг
Уншиж байна |