МАХН-ын дарга Н.Энхбаяр өнөөдөр /05.01/ “Өдрийн сонин”-д өгсөн ярилцлагадаа “Би 2017 оны Ерөнхийлөгчийн сонгуульд нэр дэвшиж өрсөлдөнө” гэдгээ зарлалаа. Тэрээр “Манай нам ард түмнийхээ дунд хамгийн өндөр рейтингтэй, итгэл хүлээж чадахуйц хүнээ дэвшүүлэн гаргах шударга зарчмыг баримтлан нэр дэвшигчээ сонгосон” гэжээ. Ийнхүү 2017 оны Ерөнхийлөгчийн сонгуульд өрсөлдөх эхний эрхэм тодорлоо. Харин МАН, АН-уудын дотор яг одоо хэнийг дэвшүүлэх вэ гэсэн тэмцэл өрнөж байна. МАН энэ сарын 3-нд бага хурлаа хуралдуулан нэр дэвшигчээ тодруулна. Харин АН энэ сарын 2-нд VIII их хурлаар гишүүдийн нууц санал хураалтаар Ерөнхийлөгчид нэр дэвшигчээ сонгохоор товлоод байна. Одоогоор энэ хоёр намаас хэн нэр дэвших вэ гэдэг нь улс төрийн хамгийн сонирхолтой сэдэв болоод буй.
Т.САЙХАН
Эх сурвалж:www.polit.mn