Формула 1-ийн дэлхийн хошой аварга, Испани нисгэгч Фернандо Алонсо энэ жил Монакогийн Гранприг өнжих болсон. Учир нь тэрбээр өөрийн уралддаг Макларен багийнхаа нэрийн өмнөөс Индикар авто цувралын Инди-500 уралдаан оролцохоор бэлтгэж байгаа юм. Энэ нь 500 миль зайд буюу 804.6 км зайд үргэлжилдэг сонирхолтой уралдаан юм.
Өнгөрсөн баасан гарагт Алонсо Макларений ивээн тэтгэдэг Андретти Автоспорт багийнхантай хамт бэлтгэл хийсэн бөгөөд “тун сонирхолтой сорил” болсон гэдгийг хэлж байлаа. Тэгвэл өчигдөр Алонсог Инди-500 уралдаанд ялалт байгуулах бүрэн боломжтой гэж багийн эзэн Марио Андретти хэлсэн байна. Өмнө нь Формула нэгийн дэлхийн аварга болж байсан Итали гаралтай Америк эрийн хувьд BBC радиод өгсөн ярилцлагадаа түүнд ялалт байгуулах хэд хэдэн боломж байгааг дурджээ.
Эдгээрийн дундаас хамгийн бодит боломжтой нэг жишээ нь Алонсогийн үзүүлсэн хугацаа байсан юм. Өнгөрөн долоо хоногт болсон сорилын үеэр Испани эрийн дээд хурд 222.5 км/цаг хүрч байсан бол өнгөрсөн жилийн байрлал тогтоох уралдааны ялагчийн тэмдэглүүлсэн хугацаа 230.7 км/цаг байжээ.
Г.Баяраа
Уншиж байна |