МАХН-ын бага чуулганаас Монгол Улсын тав дахь Ерөнхийлөгчид Н.Энхбаяр нэр дэвшүүлэх шийдвэрийг гаргасан. Шийдвэр гаргасан өдрөө МАХН-ынхан Тусгаар тогтнолын талбайд цуглаан зохион байгуулж, Сонгуулийн ерөнхий хороонд шаардлага хүргүүлсэн.
Тэгвэл тус намынхан цуглаанаа өнөөдөр Тусгаар тогтнолын ордны өмнө үргэлжлүүлж байна. УИХ-ын гишүүн асан З.Баянсэлэнгэ тэргүүтэй МАХН-ын гишүүд, дэмжигчид МАН-ын дарга М.Энхболдоос Н.Энхбаярыг сонгуульд нэр дэвших эрхийг шаардаж буй юм. Тэд эрх баригчдыг хуулийн байгууллагад нөлөөлж, Н.Энхбаярыг сонгуульд өрсөлдөх эрхийг хааж байна хэмээн үзэж байна.