Налайх дүүрэгт зам засварын ажил эхэллээ
2017-05-10

 

Налайх дүүргийн Засаг даргын үйл ажиллагааны хөтөлбөр, 2017 оны эдийн засаг, нийгмийг хөгжүүлэх үндсэн чиглэлд дүүргийн төв замууд болох Даваажав, Дамдин, Найрамдлын гудамжны авто замын өргөтгөл, шинэчлэлтийн ажил хийхээр тусгагдсан байгаа юм. Энэ хүрээнд нийслэлийн авто замын сангийн 2.8 тэрбум төгрөгийн хөрөнгө оруулалтаар 1,3 км авто замын өргөтгөл шинэчлэлтийн ажлыг хийхээр болж өнөөдөр нээлтээ хийлээ. Нээлтэд Налайх дүүргийн ИТХ-ын дарга Б.Нэргүй, Засаг дарга Ч.Раднаабазар, гүйцэтгэгч “Эко тогтол” ХХК-ийн захирал Э.Ганзориг болон холбогдох албаны хүмүүс оролцлов.

 

Авто замын өргөтгөл, шинэчлэлийн ажлыг “Эко тогтол” ХХКхийж гүйцэтгэхээр болсон байна. Түүнчлэн ирэх аравдугаар сарын 1-ний өдөр хүлээлгэн өгөхөөр болжээ.

 

Налайх дүүргийн гол замууд болох Даваажав, Дамдин, Найрамдлын гудамжны авто замууд  1970-аад онд ашиглалтад орсон цагаасаа хойш өнөөг хүртэл шинэчлэлт хийгээгүй учраас зам бүхэлдээ эвдрэлд орсон байна. Тийм учраас замын хөдөлгөөний тав тух, аюулгүй байдал, явган зорчигч болон хөгжлийн бэрхшээлтэй иргэдийн тав тухтай зорчих, зогсоолын хүртээмжийг сайжруулах зорилгоор өргөтгөл шинэчлэлийн ажлыг эхлүүлж байна.

 

Замын ажлыг дагаад гадаргууны ус зайлуулах байгууламж, явган замаас гадна тус дүүрэгт ОНХС-ийн хөрөнгө оруулалтаар шинээр гэрэлтүүлэг, ногоон байгууламжийн ажлуудыг үе шаттай хийхээр төлөвлөж байна гэж Налайх дүүргийн ЗДТГ-аас мэдээллээ.

Shuud.mn
Сонин хачин
налайхын авто замын хагархайг нөхүүлье:
Улаанбаатараас Налайх хүртлэх авто замын хагархайг, энгийн нөхөөс тавьж, аюул осолгүй зорчуулаач. Хамгийн их аймшигтай осол гардаг зам шүү
2017-05-11