Өмнөд Солонгосын 19 дэх Ерөнхийлөгч Мун Жэй Иний бие хамгаалагч тус улсын цахим ертөнцөд жинхэнэ утгаараа "од" болж буй тухай “www.allkpop.com” сайт мэдээллээ.
Ерөнхийлөгчийн сонгуулийн сурталчилгаа эхэлсэн цагаас Мун Жэй Иний хамгаалалтын албанд ажилласан 30 орчим настай залууг “жүжигчнээс дутахааргүй царайлаг, загвар өмсөгчөөс дутахааргүй сайхан биетэй” хэмээн интернэт хэрэглэгчид бичих болжээ. Царайлаг төрх, сайхан биеэрээ алдаршаад буй уг бие хамгаалагчийн нэр болон хуримаа хийсэн эсэх нь бүсгүйчүүдийн анхаарлыг татаж эхэлсэн гэнэ.
Ерөнхийлөгч Мун Жэй Ин ажлынхаа анхны өдөр иргэдтэй уулзалт хийсэн билээ. Энэ үеэр иргэд болон зарим хэвлэлийнхэн царайлаг бие хамгаалагчийн зургийг дарж чадсан байна.
“Энэ залуугийн арьс цэвэрхэн. Үнэхээр царайлаг залуу байна. Тэрбээр бие хамгаалагч хийхгүй зүгээр л олон ангит киноны гол дүрд тоглох хэрэгтэй” хэмээн нэгэн хэрэглэгч өөрийн цахим хуудастаа бичжээ.
Б.Дэлгэрцэцэг
Уншиж байна |