Өнөөдөр СЕХ хуралдаж, Ерөнхийлөгчийн сонгуульд нэр дэвшигчдийн бичиг баримтыг хэлэлцсэн. Монгол Улсын Ерөнхийлөгчийн сонгуульд өрсөлдөхөөр МАН-аас УИХ-ын дарга М.Энхболд, АН-аас УИХ-ын гишүүн асан Х.Баттулга, МАХН-аас Монгол Улсын гурав дахь Ерөнхийлөгч Н.Энхбаяр нэр дэвшин, тус тусын бичиг баримтаа өргөн барьсан билээ.
Харин өнөөдөр СЕХ-ны хуралтай зэрэгцэн МАХН-ын дарга Н.Энхбаяр тэргүүнтэй намын гишүүд сонгуулийн төв байр руу дайран орсон. Тэд МАХН-ын дарга Н.Энхбаярыг сонгуульд өрсөлдүүлэхийг шаардсан билээ. Ерөнхийлөгчийн сонгуульд нэр дэвшигчдэд ерөнхий шаардлагаас гадна "Эх орондоо сүүлийн таван жил байнга оршин суусан байх, ямар нэг ял шийтгэлгүй байх" зэрэг хэд хэдэн тусгай шаардлага тавигддаг. МАХН-ын дарга Н.Энхбаяр өнөөдөр "Н.Энхбаяр миний бие Сүхбаатар дүүргийн наймдугаар хороонд оршин суудаг, сүүлийн 20 жил хөдөлгөөн хийж байгаагүй. Харин эмчилгээ хийлгэх зорилгоор БНСУ-руу явж байсан" гэсэн тайлбарыг хийсэн юм.
Мөн Ерөнхийлөгчийн сонгуульд нэр дэвшигчдийг бүртгэх эсэх асуудлыг хэлэлцэх үед МАХН-ын дарга Н.Энхбаяр СЕХ-ны хуралдаанд оролцож дээрх тайлбараа хийсэн байна.
Н.Энх