Сонгинохайрхан дүүргийн 1-р хороолол, 32-ын уулзвар орчимд өнөө өглөө автомашин онхолджээ.

Тодруулбал тус уулзварт зорчигч тээвэрлэж явсан автобус “Сүү” ХК-ийн түгээлтийн “Isuzu” маркийн автомашинтай мөргөлджээ. Улмаар “Сүү” ХК-ийн автомашин онхолдсон байна.

Ослын улмаас хүн бэртэж, гэмтээгүй аж.

Тавдугаар сарын 16-нд “Приус” маркийн автомашин онхолдсон хэрэг гарсан бол тавдугаар сарын 17-нд  мөн хоёр машин мөргөлдөж, нэг нь онходсон осол гарсан. Иймд жолооч нарыг замын хөдөлгөөнд оролцохдоо хурдаа тааруулж, замын хөдөлгөөний дүрмээ баримталж оролцохыг анхааруулж байна.

Г.Тэгшсүрэн