Сүхбаатар дүүргийн Баруун дөрвөн зам орчимд байрлах “Талст” дэлгүүрийн замын эсрэг талд /2017.05.10/ “Приус 20” маркийн автомашин шатсан.
Автомашин нь шатсан залууд “Приус эзэмшигчдийн нэгдсэн групп” фэйсбүүкийн цахим хуудасны гишүүд туслахаар хандивын аяныг эхлүүлсэн. Олон нийтийн хандив болон даатгалын нөхөн төлбөрөөр машин нь шатсан О.Номин-Эрдэнэ гэх залуу “Приус 20” маркийн автомашинтай болжээ.
Тэрбээр “Хазайсан нэгнийгээ татах зоригтой, сэтгэлтэй та бүхэнд баярлалала. Намайг сэтгэл зүрхээрээ дэмжсэн бүх хүмүүст маш их баярлалаа. “Миг” даатгалын хамт олонд баярлалаа. Шуурхай үйлчилгээ үзүүлж үйлчлүүлэгчдийнхээ эрх ашгийг хүндэтгэн ажилдаг танай хамт олонд баярлалаа. Та бүхний санасан бүхэн сэтгэлчлэн бүтэж байхын өлзийтэй сайхан ерөөлийг чин сэтгэлээсээ хүсэн ерөөж мэхийн ёслоё” хэмээсэн байна.
О.Номин-Эрдэнэ шинэ машинаа “Миг” даатгалаас олгосон нөхөн олговроор 80 хувийг, олон нийтийн хандив тусламжаар 20 хувийг нь бүрдүүлэн худалдан авчээ.
Галын дүгнэлтээр автомашинд дохио өгөх зориулалттай ( зурж асаадаг ) төхөөрөмжөөс гал гарсан болохыг тогтоосон аж.
Г.Тэгшсүрэн
Уншиж байна |