Консулын газрынхан иргэдэд зөвлөгөө өгч байна ГХЯ-ны “Нээлттэй хаалганы өдөрлөг” өнөөдөр /2017.05.30/ Сүхбаатарын талбайд болж байна.
Өдөрлөгийн үеэр Гадаад харилцааны төв архиваас Монгол Улсын гадаад харилцаатай холбоотой архивын материал, баримт бичгийг дэлгэн үзүүлж, номын үзэсгэлэн худалдаа, гадаад харилцааны түүхийг харуулсан фото зургийн үзэсгэлэнг дэлгэжээ.
Мөн яамны газар нэгжүүд үйл ажиллагаагаа танилцуулахаас гадна Консулын газрынхан иргэдэд үзүүлдэг үйлчилгээгээ танилцуулж, гадаадад зорчихтой холбоотой зөвлөгөө мэдээлэл өгч байна.
Монгол Улсад суугаа Дипломат болон олон улсын байгууллагын суурин төлөөлөгчийн газрууд өөрийн улсын соёл уламжлал, үндэсний хоол, бүтээгдэхүүнээ сурталчилж, үйл ажиллагаагаа танилцуулж байгаа юм.
Г.Тэгшсүрэн
| Уншиж байна |