УИХ-ын өнөөдрийн чуулган уртасгасан цагаар хуралдаж, Мал, амьтны эрүүл мэндийн тухай хуулийн төсөл болон холбогдох бусад хуулийн төслийн анхны хэлэлцүүлгийг хийж, холбогдох байнгын хороонд шилжүүлэв. Уг хуулиар тухайн аймаг,суманд бүртгэлтэй мал сүргийг бусдын нутагт гаргах бол эрүүл мэндийн шинжилгээний бичигтэй байхаар заасныг С.Чинзориг нарын гишүүн шүүмжилж байв.
Хууль санаачлагач гишүүд байнгын хороог хуралдуулж, эцсийн хэлэлцүүлэгт бэлтгүүлэх санал гаргав. Учир нь Ерөнхийлөгчийн сонгуультай холбогдуулан өнөөдөр хуралдаад, зургадугаар сарын 28-ныг хүртэл хаврын чуулган түр завсарлаж байгаа.
Гэвч хурал даргалагч УИХ-ын дэд дарга Ц.Нямдорж гишүүдийн гаргасан горимын саналыг хүлээж авсангүй, хуваарийн дагуу байнгын хороодыг хуралдуулахыг сануулан, өнөөдрийн хуралдааныг өндөрлүүлэв.
Н.Энх
Уншиж байна |