Ерөнхийлөгчийн сонгуулийн сурталчилгаа үргэлжилж байна. Хуулийн дагуу АТГ-аас Ерөнхийлөгчдийн сонгуульд нэр дэвшигчийн хөрөнгө орлогын мэдүүлгийг гаргаж,  www.iaac.mn  цахим хуудсанд байршуулжээ.

МАН-аас нэр дэвшигч М.Энхболд хоёр орон сууц, Land Cruiser маркийн нэг машинтай бол АН-аас нэр дэвшигч Х.Баттулга  нэг орон сууц, Lexus, 570 маркийн машинтай, МАХН-наас нэр дэвшигч С.Ганбаатар нэг орон сууц,  Pruise маркийн нэг машинтай  гэж ХОМ-доо тус тус мэдүүлжээ.   Мөн МАН-аас нэр дэвшигч М.Энхболд хурдан удмын 60 адуу, 300 адуутай. Эдгээр нь 900 саяар үнэлэгдэнэ. АН-аас нэр дэвшигч Х.Баттулга 12 саяын нэг адуутай. Харин  МАХН-аас нэр дэвшигч С.Ганбаатар 60 хонь, хоёр адуу, 47 үхэртэй. Эдгээр нь 35 саяар үнэлэгдэх гэнэ.  Түүнчлэн МАН-аас нэр дэвшигч М.Энхболд 7, АН-аас нэр дэвшигч Х.Баттулга 26 компани болон бусад холбоо, сангуудад хөрөнгө оруулалт хийсэн бол МАХН-аас нэр дэвшигч С.Ганбаатарын нэг компанид хөрөнгө оруулалт хийсэн байна.

Түүнчлэн МАН-аас нэр дэвшигч М.Энхболд 290 сая  төгрөгөөр үнэлэгдэх хоёр эмээл, 9 хөөрөгтэй бол 35 саяар үнэлэгдэх АН-аас нэр дэвшигч Х.Баттулга нэг хөөрөгтэй, МАХН-аас нэр дэвшигч С.Ганбаатарт 17 саяар үнэлэгдэх хөөрөг,мөнгөн хазаар, хэт хутга тус тус байна.

Ингээд нэр дэвшигчид болон тэдний гэр бүлийн нийт орлого, эзэмшдэг компанийн жагсаалтыг хүргэе.

Нэр дэвшигчдийн жилийн орлого: /төгрөгөөр/

МАН-аас нэр дэвшигч М.Энхболд: 9.1 сая

АН-аас нэр дэвшигч Х.Баттулга: 130.1 сая

МАХН-аас нэр дэвшигч С.Ганбаатар: 22,8 сая

Гэр бүлийн нийт орлого /төгрөгөөр/:

МАН-аас нэр дэвшигч М.Энхболд: 117,9 сая

АН-аас нэр Х.Баттулга: 31.2 сая

МАХН-аас нэр дэвшигч С.Ганбаатар: 105,2сая

ЭЗЭМШДЭГ КОМПАНИ:

МАН-аас нэр дэвшигч М.ЭНХБОЛД:

• Говь ХК
• Зоос гоёл ХК
• Авто импекс ХК
• Зоос банк ХК
• Женко тур бюро ХК
• Эрдэнэс Тавантолгой ХК
• Технологийн дээд сургууль

АН-аас нэр дэвшигч Х.БАТТУЛГА:

• Мах- Импекс ХК
• Женко тур бюро ХК
• Талх чихэр ХК
• Баянгол зочид буудал ХК
• Женко тур бюро ХК
• Женко тур бюро ХК
• Баялгийн хувь ХК
• ХИД ХК
• Вебсофт ХХК
• Ай номадик ХХК
• Өүпэнспейнс ХХК
• Баян-Игрийт ХХК
• Их Монгол Чага Интернэшнл ХХК
• Наранбаянбүрд Хоршоо
• Эрдэнэс Таван толгой ХК
• Түмэнхишигтэн ХХК
• Монголын Ардчилсан Холбоо
• Монголын Жүдо бөхийн Холбоо
• Монголын Жүдо бөхийн ордон сан
• Их Майдар сан
• Ардчилал сонин
• Ардчилал сан
• Монгол ын Жүдо бөхийн Академи
• Монголын малчдын холбоо
• ОУ-ын Жудо бөхийн холбооны бодлого зохицуулах зөвлөл
• Монголын Бодибилдинг, фитнесийн нэгдсэн холбоо

МАХН-аас нэр дэвшигч С.Ганбаатар:

• Баршим ХХК

МОНГОЛ УЛСЫН ЕРӨНХИЙЛӨГЧИЙН СОНГУУЛЬД НЭР ДЭВШИГЧИЙН ХӨРӨНГӨ, ОРЛОГЫН МЭДҮҮЛЭГ /ХУРААНГУЙ/-г зураг дээр дарж үзнэ үү