МАХН-аас Ерөнхийлөгчийн сонгуульд нэр дэвшигч С.Ганбаатар Солонгосын иргэн Ю Ван Сү-гээс 50 сая воннын дэмжлэг авсан гэдэг нь тогтоогдлоо гэх мэдээллийг СЕХ-ноос хийсэн. Тэгвэл эл асуудлыг цагдаагийн байгууллагаас шалгаж эхэлжээ.
Сонгуулийн Ерөнхий Хороонд энэ сарын 19-20-ны өдрүүдэд БНСУ-ын иргэн Юү Ван Сү болон Хөдөлмөрийн Үндэсний нам, “Орон нутгийн сонгогчдын эрх ашгийг хамгаалах нийгэмлэг” ТББ, Монгол Улсын зарим иргэнээс нэр дэвшигч С.Ганбаатарыг шалгуулах тухай хүсэлт, гомдол ирүүлжээ. Уг хүсэлт, гомдлыг Сонгуулийн Ерөнхий Хорооноос харьяаллын дагуу өчигдөр цагдаагийн байгууллагад хүргүүлсэн байна. Цагдаагийн байгууллага хүсэлтийг шалгаж байна.
В.Бат