Иракийн хэт даврагч “Халифатын вант улс” бүлэглэл цаазын ял гүйцэтгэж буй шинэхэн видео бичлэгээ олон нийтийн сүлжээнд байршуулсан талаар “www.dailymail.co.uk” сайт мэдээллээ.
Цаазын ял сонссон хүмүүс Афганистан улсын иргэд бөгөөд тэднийг тагнуул хийсэн, оргон зайлахыг санаархсан хэмээн буруутгаж, ялын дээд хэмжээг оноожээ. Уг бичлэг 21 секунт үргэлжлэх бөгөөд цаазын ялыг 7-10 орчим насны хоёр хүү гүйцэтгэсэн нь олныг айдаст автуулжээ.
Цаазын ялыг Афганистанд гүйцэтгэсэн бөгөөд тус улсын албаныхан энэхүү газрыг хаана болохыг тогтоохоор ажиллаж буйгаа мэдэгдлээ. Хар өнгийн хувцас өмссөн хүү “Бидний хүч чадал хэзээ ч цуцахгүй. Аллахын нэрийн өмнөөс энэ дэлхийг захирна. Бидний ариун үйл хэрэгт саад болсон хэнийг ч шийтгэж, толгойг нь авах болно” гэж хэлжээ.
Исламын улс бүлэглэл өмнө нь хэд хэдэн удаа хүүхдүүдийг цаазын ял гүйцэтгэхдээ ашиглаж байсан юм.
Б.Дэлгэрцэцэг
Уншиж байна |