Өвөрхангай аймгаас Улаанбаатар чиглэлд зорчиж явсан “Приус” маркийн автомашин осолдож, /2017.07.02/ ГССҮТ-ийн эмч нар хүнд гэмтсэн тухай мэдээлэл цахим хуудсаар тархсан.
Осолдсон гэх “Приус” маркийн автомашин нь зорчигч тээврийн автобустай мөргөлдсөн бөгөөд ослын улмаас автомашинд зорчиж явсан ГССҮТ-ийн зургаан ажилтан хүнд гэмтсэн. Зорчиж явсан ажилчид хууль бусаар сонгуулийн сурталчилгаанд явж байсан гэх мэдээ тархаад байсан.
Тэгвэл уг мэдээллийг албаны эх сурвалж үгүйсгэлээ. Автотээврийн үндэсний төвөөс “Орон нутгийн зорчигч тээврийн автобус эмч нарын сууж явсан автомашинтай мөргөлдсөн гэсэн мэдээ нь ташаа мэдээлэл байна” гэв.
Энэ асуудлаар өнөөдөр /2017.07.03/ 13:00 цагт холбогдох албаныхан ГССҮТ-ийн хурлын танхимд хэвлэлийн хурал хийх ажээ.
Г.Тэгшсүрэн
Уншиж байна |