Монголын үндэсний бөхийн холбооны цэцдийн зөвлөлөөс ээлжит бус “Их эе” хурлыг /2017.05.28/ зохион байгуулж, МҮБХ-ны тэргүүнээр “Гачуурт” ХХК-ийн ерөнхий захирал Л.Чинбатыг томилсон ч МҮБХ-ны тэргүүн Р.Нямдорж одоог хүртэл ажлаа хүлээлгэн өгөөгүй байгаа.
МҮБХ-ын цэцдийн зөвлөлөөс мэдэгдэл гаргаж Р.Нямдоржид 2017.06.10-ны дотор ажлаа хүлээлгэн өгөхийг шаардсан мэдэгдэл хүргүүлж байсан. Энэ удаад дахин мэдэгдэл шаардлага хүргүүлэхээр Монгол бөхийн өргөөний үүдэнд цуглажээ.
Мэдэгдэлд Р.Нямдоржийг ажлаа нэн даруй хүлээлгэн өгөхийг дахин шаардаж, бөхчүүдийг эв нэгдлээ эрхэмлэж, элдэв хууль бус хурал зөвлөлгөөнд оролцохгүй байхыг уриалжээ. Мөн Р.Нямдоржийг ажлаа хүлээлгэн өгөхгүй бол шийдвэртэй арга хэмжээ авна гэдгээ дурдсан байна.
Шаардлага хүргүүлэхээр очиход Р.Нямдорж ажлын байрандаа байсангүй.
Г.Тэгшсүрэн
Уншиж байна |