Ерөнхийлөгчийн сонгуулийн хоёр дахь шатны санал хураалт үргэлжилж байна. Иргэд өөр өөрийнхөө харьяаны хэсгийн хороодод очиж саналаа өгдөг. Харин хамгийн хол явж саналаа өгсөн хүнээр УИХ-ын гишүүн Б.Пүрэвдоржийг нэрлэж болохоор байна. Тэрбээр Ховд аймагт очиж, саналаа өгчээ. Энэ тухайгаа тэрбээр өөрийн цахим хуудаснаа “Үүрээр Улаанбаатараас 1500 км нисч Ховдод ирээд машинаар 160 км явж Эхэн багтаа саналаа өглөө. 2005 оны сонгуулийг эс тооцвол бүх сонгуульд саналаа өгсөн. Магадгүй би Монголын хамгийн хол зам туулж саналаа өгдөг хүн. Залуучуудаа саналаа өгөөрэй” хэмээн бичжээ.
В.Бат