БНХАУ-ын хойд хэсгийн Сичуань хотноо энэ сарын 8-нд 7.0 магнитудын газар хөдлөлт болсон билээ.

Тэгвэл уг байгалийн гамшгийн уршгаар амиа алдагсдын тоо 19-д хүрсэн талаар “Синьхуа” агентлаг мэдээлэв. Мөн 247 хүн бэртсэн бол аврагчид гамшгийн бүсээс 45 мянган хүнийг яаралтай нүүлгэн шилжүүлжээ.

Амиа алдагсдын дунд зургаан жуулчин бий бөгөөд одоогоор тэднийг хэн болохыг тодруулахаар ажиллаж байна.  Газар хөдлөлт болох үед тус хотноо 30 мянган гаруй жуулчин байсан гэнэ.

Уг газар хөдлөлтөөс хэдхэн цагийн дараа Шинжаан Уйгарт 6.6 магнитудын газар хөдлөлт болсон бөгөөд 32 хүн бэртжээ.

Сичуань мужид 2004 онд 7.7 магнитудын газар хөдлөлт болж, 70 мянган хүн амиа алдсан юм.

Б.Дэлгэрцэцэг